Jaqi usuntki ukhax aymarax kunamp qullasiñs yatiwa. Chachas warmis jisk’atpach mä qawqhanix qullasiñxat yatxatatawa.

Utan khitis usunti ukhaxa, warmiw uks aks jaltasi, jisks jiskt’asi, yatirirus sararakiwa. Ukhamarusa, mä qawqhanix chachats warmits qaquñx yatiwa, cocat uñxatt’añx yatirakiwa.

Pata tuqinx p’iqi usu, purak usu, lak’a k’ama, k’aja, uka usunakat jaqix juk’amp parli; taqi uka usunakax jilpachax quranakampiw qullasipxi. Uka quranakax matjam umañawa, phuts phutxatasiñararakiwa.

Ukat aymar sartawinx kharisirin kharsuta, ajay saraqata, uraqin katjata, mulla phallata, ukanakats parlatakirakiwa; taqi uka usunakatx yatiriw qullt’araki.