Chukiyawunx manq’añax wakitawa, frutas verduras utjiwa. Ukanakx mercadonakan alakipanakax alji. Sapa semanaw qhathun ch’uqi, apilla, ulluku, isañu, jupha, qañawa, tarwi, tunqu, jawasa, yarana, ukanak  aljañatak utt’ayapxi.

Pata tuqinsti, sapa maraw feriax mark markan alaqasiñatak utjaraki. Uka ferianakanx turkasiñankas chhalaqasiñanakas utjaskarakiwa. Turkasiñanakanx phuxtu, jich’i, jarphi, ukham tupt’asaw alakipasipxaraki.

Chukyawunxa, juyranakatx manq’a phayanakaxa: wallaqi, chayru, jaqunta, p’isqi, plato paceño, taqi ukanak phayapxi. Ukatxa, k’ispiñs jumint’s lurapxarakiwa. Jichhax restaurantins hotelans qarwa aycha, chayru, ukanakax phayxapxarakiwa.

Pata tuqinx jaqix jilpach waña manq’a: pitu, jawas jamp’i, tunqu jamp’i, alwirj jamp’i, ukanak manq’apxaraki.